ဒုတိယအကြိမ် မွန်ပြည်နယ်လွှတ်တော်၊ လွှတ်တော်လုပ်ငန်းနှင့်ပတ်သက်၍ ဆွေးနွေးပွဲကျင်းပခြင်း
ဒုတိယအကြိမ်မွန်ပြည်နယ်လွှတ်တော်၊ လွှတ်တော်လုပ်ငန်းနှင့်ပတ်သက်၍ ဆွေးနွေးပွဲကို (၁-၃-၂၀၁၆) ရက်နေ့၊ (၁၃း၀၀)နာရီမှ (၁၄း၂၀)နာရီအထိ မွန်ပြည်နယ်လွှတ်တော်ဆွေးနွေးပွဲခန်းမတွင် အစီအစဉ်(၄)ရပ်ဖြင့် ကျင်းပပြုလုပ်ပါသည်။ ဆွေးနွေးပွဲတွင် မွန်ပြည်နယ်လွှတ်တော်ဥက္ကဋ္ဌ၊ ဒုတိယဥက္ကဋ္ဌအပါအဝင် ပြည်နယ်လွှတ်တော် ကိုယ်စားလှယ်များမှ လွှတ်တော်လုပ်ငန်းနှင့်ပတ်သက်၍ ဆွေးနွေးကြရာ ပြည်နယ်လွှတ်တော်ရေးရာကော်မတီများ ဖွဲ့စည်းဆောင်ရွက်ရေးကိစ္စ၊ တိုင်ကြားစာများနှင့်ပတ်သက်၍ စိစစ်လေ့လာရန်ကိစ္စနှင့်ဒုတိယအကြိမ် မွန်ပြည်နယ် လွှတ်တော် ပထမပုံမှန်အစည်းအဝေး ဆက်လက်ကျင်းပမည့် ကိစ္စရပ်များကို ဆွေးနွေးကြပါသည်။ ဆွေးနွေးပွဲသို့ မွန်ပြည်နယ်လွှတ်တော်ဥက္ကဋ္ဌ၊ ဒုတိယဥက္ကဋ္ဌအပါအဝင် ပြည်နယ်လွှတ်တော်ကိုယ်စားလှယ် စုစုပေါင်း (၂၈)ဦးနှင့် မွန်ပြည်နယ်လွှတ်တော်ရုံးအဖွဲ့တို့ တက်ရောက်ခဲ့ပါသည်။
