ဖွဲ့စည်းမှု
မွန်ပြည်နယ်လွှတ်တော်ရုံးအဖွဲ့ကို (၄-၇-၂၀၁၄)ရက်နေ့မတိုင်မီအထိ ဒုတိယညွှန်ကြားရေးမှူး ဦးဆောင်သည့် အရာထမ်း (၆)ဦး၊ အမှုထမ်း (၂၀)ဦး၊ စုစုပေါင်း (၂၆)ဦးပါဝင်သောအင်အားဖြင့် ဖွဲ့စည်းဆောင်ရွက်ခဲ့ပါသည်။ ယင်းကာလအတွင်း ပြည်နယ်အစိုးရအဖွဲ့ အတွင်းရေးမှူးတာဝန်ထမ်းဆောင်သူ ပြည်နယ်အထွေထွေအုပ်ချုပ်ရေးဦးစီးဌာန၊ ပြည်နယ်အုပ်ချုပ်ရေးမှူးသည် ပြည်နယ်လွှတ်တော်ရုံးအကြီးအမှူးတာဝန်ကို ပူးတွဲထမ်းဆောင်ခဲ့ပါသည်။ ( ၄ – ၇ – ၂၀၁၄ )ရက်နေ့မှစ၍ ပြည်နယ်လွှတ်တော်ရုံးအဖွဲ့ကို ညွှန်ကြားရေးမှူးဦးဆောင်သော အရာထမ်း (၆)ဦး၊ အမှုထမ်း (၃၆)ဦး၊ စုစုပေါင်း (၄၂)ဦး ရုံးအဖွဲ့ဖြင့် သီးခြားစီခွဲထွက်ဖွဲ့စည်းဆောင်ရွက်ခဲ့ပါသည်။ လက်ရှိတွင် မွန်ပြည်လွှတ်တော်ရုံးအဖွဲ့ကို ဒုတိယညွှန်ကြားရေးမှူးချူပ်ဦးဆောင်သော အရာထမ်း (၁၆)ဦး၊ အမှုထမ်း (၄၄)ဦး၊ စုစုပေါင်း (၆၀)ဦးဖြင့် မွန်ပြည်နယ်လွှတ်တော်လုပ်ငန်းများကို ဆောင်ရွက်လျက်ရှိပါသည်။