၂၀၁၂ခုနှစ်၊ မွန်ပြည်နယ်လွှတ်တော် ရက်စဉ်မှတ်တမ်း

၁၂.၁.၂ဝ၁၂ရက်နေ့   –  ပြည်နယ်လွှတ်တော်ဥက္ကဋ္ဌသည် မော်လမြိုင်မြို့ Strand Hotal ၌ ပြည်ထောင်စုအဆင့် ငြိမ်းချမ်းရေးအဖွဲ့KNUမှ   တာဝန်ရှိသူများ    ပြည်နယ်ဝန်ကြီးချုပ်နှင့်   ဆွေးနွေးပွဲသို့  တက်ရောက်သည်။

၁၃.၁.၂ဝ၁၂ရက်နေ့     –   မွန်ပြည်နယ်လွှတ်တော်ရုံးတွင်ပြည်နယ်လွှတ်တော်ရေးရာကော်မတီများ ညှိနှိုင်းအစည်းအဝေးပြုလုပ်သည်။

၈.၂.၂ဝ၁၂ရက်နေ့    –  ပြည်နယ်လွှတ်တော်ဥက္ကဋ္ဌသည်     တပို့တွဲလပြည့်ကျော် ( ၁ )ရက်နေ့ (၆၅) ကြိမ်မြောက် မွန်အမျိုးသားနေ့ အခမ်းအနားကို   နံနက်ပိုင်းတွင် ကျိုက်မရောမြို့နယ်အခမ်းအနားသို့  လည်းကောင်း   ညပိုင်းတွင်     မော်လမြိုင်မြို့နယ် ( ပြည်နယ်ခန်းမ ) အခမ်းအနားသို့ လည်းကောင်း တက်ရောက်သည်။

၁၅.၂.၂ဝ၁၂ရက်နေ့    –  ပြည်နယ်လွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များသည် မော်လမြိုင်မြို့၊ Strand Hotel ၌ ကျင်းပပြုလုပ်သော Presentation of the Integrated  Hourchild living Condition Assessment Survey ဆွေးနွေးပွဲသို့ တက်ရောက်သည်။

၁၆.၂.၂၀၁၂ရက်နေ့    –  ပြည်နယ်လွှတ်တော်ဥက္ကဋ္ဌ နှင့်  လွှတ်တော်ကိုယ်စားလှယ်များသည်  မော်လမြိုင်မြို့၊ ရွှေမြင့်မိုရ်ထွန်းဟိုတယ်၌ ( USIP ) အဖွဲ့မှ ကျင်းပပြုလုပ်သော တရားဥပဒေစိုးမိုးရေး အလုပ်ရုံဆွေးနွေးပွဲသို့ တက်ရောက်သည်။

၁၇.၂.၁၀၁၂ရက်နေ့    –  ပြည်နယ်လွှတ်တော်ဥက္ကဋ္ဌ နှင့်      လွှတ်တော်ကိုယ်စားလှယ်များသည်  မော်လမြိုင်မြို့ရွှေမြင့်မိုရ်ထွန်းဟိုတယ်၌ ကျင်းပသော National   Enlightment   Institute မှ ကျင်းပသော  Regional Development with Electronic Technology State Holder Workshop အလုပ်ရုံဆွေးနွေးပွဲသို့ တက်ရောက်သည်။

၂၃.၂.၂ဝ၁၂ရက်နေ့    –  ပြည်နယ်လွှတ်တော်ဥက္ကဋ္ဌသည်   မော်လမြိုင်မြို့ ကမ်းနားလမ်း  Strand Hotel   ၌ ကျင်းပပြုလုပ်သော ပြည်ထောင်စုအဆင့် ငြိမ်းချမ်းရေးအဖွဲ့သို့   တက်ရောက်မည့်   ကိုယ်စားလှယ်များအား မွန်ပြည်နယ်အစိုးရအဖွဲ့ကကြိုဆိုသည့် အခမ်းအနားသို့ တက်ရောက်သည်။

၈. ၃. ၂ဝ၁၂ရက်နေ့   – ပထမအကြိမ် မွန်ပြည်နယ်လွှတ်တော်   တတိယပုံမှန်အစည်းအဝေး   ပထမနေ့ကို  စတင်ကျင်းပသည်။ ပြည်နယ်ဝန်ကြီးချုပ် မိန့်ခွန်းပြောကြားသည်။ ပထမနေ့ အစည်းအဝေးတွင် ကြယ်ပွင့်ပြမေးခွန်း (၈)ခု မေးမြန်း ဖြေကြားသည်။ အစည်းအဝေးတွင်    နောက်ထပ်ဘဏ္ဍာငွေခွဲဝေသုံးစွဲရေး ဥပဒေကြမ်း  တင်သွင်းခြင်းနှင့် ကိုယ်စားလှယ်များဆွေးနွေးခြင်းဆောင်ရွက်ခဲ့သည်။ ဒုတိယပုံမှန်အစည်းအဝေးက  တင်သွင်းဆုံးဖြတ်ခဲ့သည့် အဆိုများအပေါ် အကောင်အထည် ဖော်ဆောင်ရွက်မှုအခြေအနေများကို သက်ဆိုင်ရာဝန်ကြီးများက ရှင်းလင်းတင်ပြခဲ့ပါသည်။  ပြည်နယ်အစိုးရအဖွဲ့မှ ငြိမ်းချမ်းရေးဆောင်ရွက်ချက်များကို တင်ပြသည်။ မွန်ပြည်နယ်၏ ၂ဝ၁၁-၂ဝ၁၂ခု ဒေသန္တရစီမံကိန်းဥပဒေကြမ်း တင်သွင်းခဲ့သည်။ ကျိုက်ထိုမြို့နယ်မဲဆန္ဒနယ်အမှတ်( ၂ )မှ   ပြည်နယ်လွှတ်တော်ကိုယ်စားလှယ်   ဦးစိန်မြင့်မှ ပြည်နယ်အဆင့်ဆေးရုံတွင်  နှလုံးရောဂါအထူးကု၊  အသည်းအထူးကုဆရာဝန်များ  ထားရှိ ဆောင်ရွက်ပေးရန်      တိုက်တွန်းကြောင်းအဆိုနှင့်    ဝန်ထမ်းများ   လာဘ်ပေးလာဘ်ယူ လျော့နည်းပပျောက်ရေး  ကြပ်မတ်ဆောင်ရွက်ပေးရန် တိုက်တွန်းကြောင်းအဆို ( ၂ )ခု တင်သွင်းခဲ့သည်။

၉. ၃. ၂ဝ၁၂ရက်နေ့    –  ပထမအကြိမ်    မွန်ပြည်နယ်လွှတ်တော်    တတိယပုံမှန်အစည်းအဝေး   ( ဒုတိယနေ့ )အား ဆက်လက်ကျင်းပခဲ့သည်။  အစည်းအဝေးတွင် ကြယ်ပွင့်ပြ မေးခွန်း (၇)ခု မေးမြန်းခြင်း ဆောင်ရွက်ခဲ့သည်။၂ဝ၁၁ – ၂ဝ၁၂ခု ဘဏ္ဍာရေးနှစ်    နောက်ထပ်ဘဏ္ဍာငွေခွဲဝေသုံးစွဲရေး  ဥပဒေကြမ်း၊ ၂ဝ၁၁-၂ဝ၁၂ ခု ဒေသန္တရစီမံကိန်း ဥပဒေကြမ်းနှင့် အဆို (၂)   ခုတို့အား  ဆွေးနွေးခဲ့ကြပြီး အတည်ပြုခဲ့သည်။

၁၅.၃.၂ဝ၁၂ရက်နေ့    –  မွန်ပြည်နယ်လွှတ်တော်ရုံးတွင် လွှတ်တော်ရေးရာကော်မတီညှိနှိုင်းအစည်းအဝေးပြုလုပ်သည်။

၁၉.၃.၂ဝ၁၂ရက်နေ့    –  (၃၈)နှစ်မြောက်     မွန်ပြည်နယ်နေ့အထိမ်းအမှတ်အခမ်းအနားကို  သံဃာတော်( ၉)ပါးကို အရုဏ်ဆွမ်းဆက်ကပ်လှူဒါန်းခြင်း၊ ပြည်နယ်ခန်းမတွင် ကျင်းပသော    မွန်ပြည်နယ်နေ့ အခမ်းအနားသို့ ပြည်နယ်လွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များ တက်ရောက် ကြသည်။    မွန်ပြည်နယ်လွှတ်တော်ရုံးတွင်   ပြည်နယ်ရေးရာကော်မတီများ   ညှိနှိုင်းအစည်းအဝေး ပြုလုပ်သည်။

၂ဝ. ၃.၂ဝ၁၂ရက်နေ့    –   မွန်ပြည်နယ်လွှတ်တော်ရုံးတွင်    မွန်ပြည်နယ်ပုဂ္ဂလိက မော်တော်ယာဉ်   ဥပဒေမူကြမ်းကို သက်ဆိုင်ရာ အဖွဲ့အစည်းများနှင့် ဆွေးနွေးညှိနှိုင်းပါသည်။

၃ဝ. ၃. ၂ဝ၁၂ရက်နေ့      –  မွန်ပြည်နယ်လွှတ်တော်ရုံးတွင်    ပွဲခွန်တော်ဥပဒေနှင့်  စပ်လျဉ်းပြီး၊ မွန်ပြည်နယ်လွှတ်တော်ရေးရာကော်မတီဝင်များ သက်ဆိုင်ရာ အဖွဲ့အစည်းများနှင့် ဆွေးနွေးသည်။

၅. ၄.၂ဝ၁၂ရက်နေ့    –  ပထမအကြိမ်  မွန်ပြည်နယ်လွှတ်တော် တတိယပုံမှန်အစည်းအဝေး   (တတိယနေ့) အား ဆက်လက်ကျင်းခဲ့သည်။  မြို့မြေခွန်ကောက်ခံရေးနှင့် ပတ်သက်ပြီး မြို့နယ်အလိုက် မြေခွန်ဇုန်နှုန်းများကို ယခင်/ယခု သတ်မှတ်လျာထားဆောင်ရွက်နေမှုအခြေအနေတင်ပြသည်။  ၂ဝ၁၂-၂ဝ၁၃ခု၊ ဘဏ္ဍာရေးနှစ် မွန်ပြည်နယ်၏ ဘဏ္ဍာငွေအရအသုံး ဆိုင်ရာဥပဒေကြမ်းအား တင်သွင်းခဲ့သည်။ အဆို(၃)ခု တင်သွင်းသည် –

(က) ဦးအောင်နိုင်ဦး( ချောင်းဆုံ-၁)၏ ချောင်းဆုံမြို့ ကန်တော်ကြီး   ကန်ကောမြေများနှင့်ပင်လယ်ကမ်းစပ်ကျေးရွာများတွင် ဒီရေတောနှင့်အများပိုင်သစ်တောများ ထူထောင် သွားရန် တိုက်တွန်းကြောင်းအဆို၊

(ခ)     ဦးစံတင် ( ကျိုက်မရော -၂ )၏   မွန်ပြည်နယ်   ရှေးဟောင်းယဉ်ကျေးမှုနယ်မြေကို သုတေသနပြုခြင်း၊      နယ်မြေကန့်သတ်ခြင်း၊      အထိမ်းအမှတ်ကျောက်တိုင်များ စိုက်ထူခြင်း စသည့်လုပ်ငန်းများ ဆောင်ရွက်သွားရန် တိုက်တွန်းကြောင်းအဆို၊

(ဂ)     ဦးလှထွန်း( ကျိုက်မရော -၁ )၏ မွန်စာပေသင်ကြားရေးတွင် လိုအပ်သည့်အကူအညီ များ ဆောင်ရွက်ပေးရေးတိုက်တွန်းကြောင်းအဆို။

၆.၄. ၂ဝ၁၂ရက်နေ့    –  ပထမအကြိမ်မွန်ပြည်နယ်လွှတ်တော် တတိယအစည်းအဝေး( စတုတ္ထနေ့ ) အစည်းအဝေးကို ကျင်းပသည်။   အစည်းအဝေးတွင်  မေးခွန်း(၂)ခု၊  မွန်ပြည်နယ်၏ ၂ဝ၁၂ခုနှစ် ဘဏ္ဍာငွေ အရအသုံးဆိုင်ရာ   ဥပဒေကြမ်း    တင်သွင်းခြင်း၊    ဆွေးနွေးခြင်း၊    အဆုံးအဖြတ်ရယူခြင်း၊ တတိယနေ့တွင် တင်သွင်းခဲ့သော အဆို( ၃ )ရပ်ကိုဆွေးနွေးခြင်း၊ သက်ဆိုင်ရာဝန်ကြီးများက  ပြန်လည်ဆွေးနွေးခြင်း၊ အဆုံးအဖြတ်ရယူခြင်းများကို ဆောင်ရွက်သည်။

၂၇.၅.၂ဝ၁၂ရက်နေ့    –  ကရင်ပြည်နယ်မှတဆင့်   မော်လမြိုင်မြို့သို့   ရောက်ရှိလာသော၊ နေပြည်တော်မှ     ပြည်သူ့လွှတ်တော်၊      အမျိုးသားလွှတ်တော်၊ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှု  ပူးပေါင်းကော်မတီဝင်များသည် (၁၄းဝဝ)နာရီအချိန် မွန်ပြည်နယ်လွှတ်တော်ရုံး အစည်းအဝေးခန်းမတွင် လူမှုရေးအဖွဲ့ဝင်များနှင့် တွေ့ဆုံဆွေးနွေးသည်။

၂၈.၅.၂ဝ၁၂ရက်နေ့    – မွန်ပြည်နယ်လွှတ်တော်မှ   ဖွဲ့စည်းပုံအခြေခံဥပဒေ ပုဒ်မ ၄၄၆၊ ၄၄၇ ပါ   ပြဌာန်းချက်များ၊ တည်ဆဲဥပဒေများနှင့်  ဖွဲ့စည်းပုံအခြေခံဥပဒေ ပုဒ်မ ၁၈၈ ဇယား( ၂)ပါ ကိစ္စများ ရောထွေးနေမှုကို အနက်အဓိပ္ပါယ်ဖွင့်ဆိုပေးရန် ပြည်ထောင်စုလွှတ်တော်နာယက ထံမှ   တဆင့် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးသို့တင်ပြသည်။

၆.၆ .၂ဝ၁၂ရက်နေ့    –  ပြည်ထောင်စုလွှတ်တော်နာယကမှ မွန်ပြည်နယ်လွှတ်တော်မှ  ပေးပို့လာသော ဖွဲ့စည်းပုံအခြေခံဥပဒေကိစ္စကို နိုင်ငံတော်ဖွဲ့စည်းပုံ   အခြေခံဥပဒေဆိုင်ရာခုံရုံးသို့   ပေးပို့သည့် စာမိတ္တူကိုရရှိပါသည်။

၈.၆. ၂ဝ၁၂ရက်နေ့    –  နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးမှ မွန်ပြည်နယ်လွှတ်တော်မှ တင်သွင်းလာသည့် အနက်အဓိပ္ပါယ်ဖွင့်ရန်ကိစ္စနှင့်ပတ်သက်ပြီး လိုအပ်သည့် အထောက်အထားများ တင်ပြရန် အကြောင်းကြားလာသည်။

၁၆.၆. ၂ဝ၁၂ရက်နေ့    –  ဖွဲ့စည်းပုံအခြေခံဥပဒေ ပုဒ်မ ၁၈၈၊ ဇယား( ၂ )ပါ ပြဌာန်းချက်များနှင့်ကွဲလွဲနေခြင်း၊ ရောထွေးနေခြင်းများရှိသည့်    တည်ဆဲဥပဒေများနှင့် စပ်လျဉ်းပြီး   ရေးရာကော်မတီများ   ပူးပေါင်းအစည်းအဝေးတွင် ညှိနှိုင်းဆွေးနွေးသည်။

၁၉.၆.၂ဝ၁၂    ရက်နေ့    –  နိုင်ငံတော်ဖွဲ့စည်းပုံအခြေခံဥပဒေ ဆိုင်ရာခုံရုံးမှ  တောင်းခံထားသည့်   စာရွက်၊   စာတမ်းအထောက်အထားများ ပေးပို့သည်။

၆.၇.၂ဝ၁၂ရက်နေ့    –  နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးသို့  အနက်အဓိပ္ပာယ် ဖွင့်ဆိုပေးရန်တင်ပြထားသည်ကို  ကြားနာမည့်  နေ့ရက်မှာ ၁၆၊ ဇူလိုင်လ၊ ၂ဝ၁၂ ခုနှစ်ဖြစ်ကြောင်း   နိုင်ငံတော် ဖွဲ့စည်းပုံအခြေခံဥပဒေဆိုင်ရာ ခုံရုံးမှ အကြောင်းကြားလာသည်။

၁၆.၇. ၂ဝ၁၂ရက်နေ့    –  နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးသို့ အနက်အဓိပ္ပာယ် ဖွင့်ဆိုပေးရန် တင်ပြထားသည်ကို   ကြားနာခဲ့ရာ  မွန်ပြည်နယ်လွှတ်တော်ဥက္ကဋ္ဌနှင့်   ချောင်းဆုံမြို့နယ်   မဲဆန္ဒနယ် အမှတ်(၁)မှ ပြည်နယ်လွှတ်တော်ကိုယ်စားလှယ် ဦးအောင်နိုင်ဦးတို့သည် နေပြည်တော်သို့ သွားရောက်ပြီး လျှောက်လဲချက်တင်ပြကြသည်။

၂ဝ.၇.၂ဝ၁၂ရက်နေ့    –  မွန်ပြည်နယ်လွှတ်တော်မှ   နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးသို့ အနက်အဓိပ္ပာယ်ဖွင့်ဆိုပေးရန် တင်ပြထားသည့်ကိစ္စအား (၂၇-၇-၂ဝ၁၂) ရက်နေ့တွင် အပြီးသတ်ဆုံးဖြတ်မည် ဖြစ်ကြောင်း နိုင်ငံတော်ဖွဲ့စည်းပုံအခြေခံဥပဒေ ဆိုင်ရာခုံရုံးမှ အကြောင်းကြားလာသည်။

၂၇.၇. ၂ဝ၁၂ ရက်နေ့    –   မွန်ပြည်နယ်လွှတ်တော်မှနိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးသို့ အခြေခံဥပဒေပုဒ်မ ၁၈၈ ဇယား (၂)ကို ဥပဒေပုဒ်မ ၄၄၆၊ ၄၄၇ နှင့် ဆက်စပ်ပြီး အနက်အဓိပ္ပာယ် ဖွင့်ဆိုပေးရန် တင်ပြထားသည့်ကိစ္စအား (၂၇-၇-၂ဝ၁၂) ရက်နေ့တွင် အပြီးသတ်ဆုံးဖြတ်ခဲ့သည်။

၂၇-၉-၂၀၁၂  ရက်နေ့    –  ပထမအကြိမ် မွန်ပြည်နယ်လွှတ်တော် စတုတ္ထပုံမှန်အစည်းအဝေး (ပထမနေ့) ကျင်းပသည်။

၂၈-၉-၂၀၁၂ရက်နေ့    –  ပထမအကြိမ် မွန်ပြည်နယ်လွှတ်တော် စတုတ္ထပုံမှန်အစည်းအဝေး (ဒုတိယနေ့) ကျင်းပသည်။ ပဉ္စမကာလကို ငါးနှစ်စီမံကိန်းရည်မှန်းချက် အတည်ပြုခြင်း၊   တတိယပုံမှန်အစည်းအဝေးတွင် ဆိုင်းငံ့ထားသော မွန်ပြည်နယ်အတွင်း   ပုဂ္ဂလိကမော်တော်ယဉ်များ   စနစ်တကျပြေးဆွဲရေး ဥပဒေကြမ်းအား အတည်ပြုခြင်း၊ မွန်ပြည်နယ်၏ ၂၀၁၂-၂၀၁၃ခု ဘဏ္ဍာရေးနှစ်ဖြည့်စွက်ခွင့်ပြု ငွေစာရင်း အတည်ပြုခြင်း၊ မွန်ပြည်နယ်၏ ရသုံးမှန်ခြေငွေစာရင်းအတည်ပြုခြင်း၊   အဆို(၆)ခု အတည်ပြုခြင်း၊ ၂၀၁၂-၂၀၁၃ခု ဘဏ္ဍာရေးနှစ် စည်ပင်သာယာရေးအဖွဲ့များ   ငွေလုံးငွေရင်း လုပ်ငန်းလွှဲပြောင်းသုံးစွဲရေးနှင့်ပတ်သက်ပြီး အတည်ပြုခြင်း၊ မွန်ပြည်နယ်စည်ပင်သာယာရေး အဖွဲ့များ   ဥပဒေကြမ်းအတည်ပြုခြင်း၊     လွှတ်တော်ဥက္ကဋ္ဌမှတဆင့်     နိုင်ငံတော်သမ္မတထံ သဝဏ်လွှာပေးပို့ရန် တိုက်တွန်းကြောင်းအဆိုအား အတည်ပြုခြင်းတို့ကို ဆုံးဖြတ်ခဲ့ပါသည်။

၃-၁၁-၂၀၁၂ မှ ၄.၁၁.၂၀၁၂ရက်နေ့ထိ      –  မော်လမြိုင်မြို့ ပြည်နယ်ခန်းမ၌  မော်လမြိုင်တက္ကသိုလ်မှ ကြီးမှူးကျင်းပသော သုဝဏ္ဏဘူမိ ပထမအကြိမ် စာတမ်းဖတ်ပွဲသို့    ကျင်းပသည်။   အဆိုပါစာတမ်းဖတ်ပွဲတွင်    စာတမ်းရှင်(၁၈)ဦးက   စာတမ်းဖတ်ကြားပါသည်။       အဆိုပါ စာတမ်းဖတ်ပွဲဖြစ်   မြောက်ရေးအတွက် မွန်ပြည်နယ်လွှတ်တော် တိုင်းရင်းသားရေးရာကော်မတီနှင့် မြို့မိမြို့ဖများမှ ပါဝင်ကူညီ ဆောင်ရွက်ပါသည်။

၂၅.၁၁.၂ဝ၁၂ရက်နေ့     –  ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် အဖွဲ့သည် မော်လမြိုင်မြို့၊   ပြည်နယ်ခန်းမ၌  ပြည်နယ်လွှတ်တော် ကိုယ်စားလှယ်များ၊ပြည်နယ်အစိုးရအဖွဲ့ဝင်များ၊ အဖွဲ့အစည်းအသီးသီးမှ ပုဂ္ဂိုလ်များနှင့်  တွေ့ဆုံဆွေးနွေးပွဲ   ကျင်းပသည်။     ဆွေးနွေးပွဲတွင်  ချောင်းဆုံမြို့နယ်မှ ပြည်နယ်လွှတ်တော် ကိုယ်စားလှယ်ဦးအောင်နိုင်ဦး နှင့်   သထုံမြို့နယ်မှပြည်နယ်လွှတ်တော် ကိုယ်စားလှယ် ဦးသိန်းဇော်တို့က   မော်လမြိုင် -ချောင်းဆုံ   (ကညှော်) တံတားဆောက်လုပ် ပေးရေးကို အဆိုပြုကြောင်း တင်ပြကြသည်။

၁၃.၁၂.၂ဝ၁၂ရက်နေ့    –   ပထမအကြိမ်မွန်ပြည်နယ်လွှတ်တော်အထူးအစည်းအဝေး(၁/၂၀၁၂) ပထမနေ့ ကို ကျင်းပ ပြုလုပ်သည်။

၁၄-၁၂-၂၀၁၂ရက်နေ့    –  ပထမအကြိမ်မွန်ပြည်နယ်လွှတ်တော်အထူးအစည်းအဝေး(၁/၂၀၁၂) ဒုတိယနေ့ ကို ကျင်းပ ပြုလုပ်သည်။

၁၅.၁၂.၂ဝ၁၂ရက်နေ့   – မွန်ပြည်နယ်၊ အောင်ဆန်းခန်းမ၌ နိုင်ငံတော်သမ္မတဦးသိန်းစိန်၊ နိုင်ငံတော်ဒုတိယသမ္မတဦးဉာဏ်ထွန်းနှင့်အဖွဲ့ဝင်များဖြင့် မွန်ပြည်နယ်၊   ပြည်နယ်၊ ခရိုင်၊ မြို့နယ်ဌာနဆိုင်ရာများ အဖွဲ့အစည်းအသီးသီးနှင့်    တွေ့ဆုံပွဲ    အခမ်းအနားသို့   ပြည်နယ်လွှတ်တော် ဥက္ကဋ္ဌနှင့် ပြည်နယ်လွှတ်တော်ကိုယ်စားလှယ်များ တက်ရောက်ပါသည်။

၂၄.၁၂.၂ဝ၁၂ရက်နေ့    –  ပြည်ထောင်စုလွှတ်တော်နာယက၊   အမျိုးသားလွှတ်တော် ဥက္ကဋ္ဌ  ဦးခင်အောင်မြင့်သည်၊ မွန်ပြည်နယ်လွှတ်တော်ရုံးတွင်၊  မွန်ပြည်နယ်လွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ ပြည်နယ်အစိုးရအဖွဲ့ ၊  ပြည်နယ်လွှတ်တော်ကိုယ်စားလှယ်များ၊  မွန်ပြည်နယ်ရေးရာ ကော်မတီဝင်များနှင့် တွေ့ဆုံပါသည်။