ပထမအကြိမ် မွန်ပြည်နယ်လွှတ်တော် ပုံမှန်အစည်းအဝေး
ပထမအကြိမ်မွန်ပြည်နယ်လွှတ်တော် ပထမပုံမှန်အစည်းအဝေးကို (၃၁.၁.၂ဝ၁၁)ရက်နေ့မှ (၃၁.၃.၂ဝ၁၁) ရက်နေ့အထိ(၈)ရက် ကျင်းပပြုလုပ်ပါသည်။ အဆိုပါပထမအကြိမ် မွန်ပြည်နယ်လွှတ်တော် ပထမပုံမှန်အစည်းအဝေးတွင် သဘာပတိရွေးချယ်ခြင်း၊ ကတိသစ္စာပြုခြင်း၊ ပြည်နယ်လွှတ်တော် ဥက္ကဌရွေးချယ်ခြင်း၊ ပြည်နယ်လွှတ်တော် ဒုတိယ ဥက္ကဌ ရွေးချယ်ခြင်း၊ ဝန်ကြီးဌာန (၉)ခုနှင့်ဝန်ကြီး(၉)ဦး သတ်မှတ်ခြင်း၊ တရားလွှတ်တော် တရားသူကြီး (၃)ဦး သတ်မှတ်ခြင်း၊ပြည်နယ်အစိုးရအဖွဲ့၊ ပြည်နယ်ဝန်ကြီးချုပ် တင်ပြ အတည်ပြုခြင်း ၊ပြည်နယ်ဝန်ကြီး(၉)ဦး၏ အမည်စာရင်းအား တင်ပြအတည်ပြုခြင်း၊ တိုင်းရင်းသားလူမျိုးရေးရာ ဝန်ကြီး(၃)ဦး တင်ပြမှတ်တမ်း တင်ခြင်း၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်တရားလွှတ်တော် တရားသူကြီးချုပ်များကို တင်ပြအတည်ပြုခြင်း၊ ရေးရာကော်မတီများ ဖွဲ့စည်းခြင်း၊ ရေးရာကော်မတီများ၏ တာဝန်၊ လုပ်ပိုင်ခွင့်၊ ရပိုင်ခွင့်နှင့်သက်တမ်း သတ်မှတ်ခြင်းတို့ကို ဆောင်ရွက်ပါသည်။
